بفودبلسد, المحبة جزء ما بيتجزأ من شغلنا. لهيك لما نحضر أو نقدم أو نشارك وجبة مع شخص محتاج؛ منعمل هالشي بكتير من المحبة. ليش؟ لأنو منآمن إنو كل شي بينعمل بكتير من الحب بينعمل صح.
هيدا العيد, بدنا ندعي كل واحد فيكن إنو يعمل أو تعمل شي منيح لحدا تاني أو يتمسكوا بالإحساس يلي بحسوه لما حدا تاني يعمل معن شي منيح.
بتعرفوا
بتعرفوا إنو آخر الدراسات أشارت إنو لما تعملوا فرق بحياة الآخرين, صحتكم النفسية بتتحسن؟ لما نعمل شي منيح لغيرنا, مش بس هني بيستفيدوا, نحنا كمان منستفيد لأنو فعل الخير بخفف من التوتر, بحسن حالتنا النفسية , وكمان عندو منافع لصحتنا الجسدية.
استمتعوا بالمشاركة بحملتنا, بس تذكروا إنو الأعمال المنيحة فيها تنعمل كل إيام السنة. كتير مهم ندير بالنا على حالنا وعلى غيرنا لأن بالهاية كلنا لبعض وما إلنا غير بعض. اللطافة هي هدية يلي بتضل تعطي. جربوا اتدخلوا بعض من الأعمال المنيحة يلي رح نقترحها عليكن بروتينكم الأسبوعي وهيك بتكونوا عمبتنشروا الطاقة الإيجابية مع كتير من المحبة
هودي بعض الأشياء يلي فيكن تبلشوا تعملوها لغيركن ولنفسكن اليوم وكل يوم
هيدي هي بعض الطرق اللي بتجعل من هالعالم مكان أفضل ، وبمعظم الأحيان ، إنو نعمل شيء لطيف لشخص تاني ما بكلف كثير من الوقت أو المصاري. هيي هيدي الأشياء الصغيرة بالحياة اللي منعملها يلي ممكن إنو تعمل فرق كبير. شاركوا أفعالكن باستخدام #يلا_نعمل_فرق
